Пралетарскі паэт!
Ён рос і тварыў у працоўнай сям’і
У межах ліцвінскага краю,
Вайна і бяда змагаром узнялі
Імя Валянціна Таўлая.
І прыкладам стаў пралетарскі паэт
У бойках за праўду і волю,
Набатам гучаў беларускі адэпт,
Прарочыў шчаслівую долю.
Адведаў нязгоды і жахі вайны,
Змагаўся за волю Айчыны.
Стаялі на смерць, за радзіму сыны,
Адзінай Савецкай краіны.
Пасля перамогі ў мірным жыцці
Паборнік асветніцкай справы,
На творчы Алімп здолеў ён узысці
У гонар вялікай дзяржавы.
Ён мала пажыў і сышоў як Пясняр,
Пакінуўшы моцныя словы,
Якімі пад час разгарыцца пажар
Радзімай матулінай мовы!..
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию