Нікулін Алег Яўгенавіч нарадзіўся 31 кастрычніка 1972 года ў вёсцы Арда Клецкага раёна Мінскай вобласці. Скончыў Гурнаўшчынскую сярэднюю школу і Мірскае мастацкае вучылішча. Вучыўся таксама ў Пінскай Міждыяцэзіяльнай Каталіцкай Вышэйшай Духоўнай Семінарыі імя святога Тамаша Аквінскага. Працаваў настаўнікам выяўленчага мастацтва, вартаўніком, справаводам. Друкаваўся ў шматлікіх беларускіх газетах і часопісах, на расійскіх літаратурных сайтах, у некаторых замежных выданнях, выступаў на радыё. Жыве ў вёсцы Гурнаўшчына Клецкага раёна (Рэспубліка Беларусь).