Пад клёкатам бусліным!..
Ах, кветачкі вясновыя,
Нібыта завушніцы.
Палеткаў фарбы новыя
У промнях бліскавіцы.
Садоў квіценне моднае
Усім на заглядзенне…
Аблокаў плынь павольная,
Буслінае парэнне.
Вясновыя лагоднасці
У майскі час увагі…
Пры ўсёй гаючай свежасці
Жыццёвай прагнуць смагі.
А ў небе сінь бязмежная,
І плынь ракі імгненная,
Відовішча адметнае,
Чароўнае, праменнае…
І я ў духоўнай святасці,
Жыву святлом радзімы.
У скрусе і ў радасці,
Пад клёкатам бусліным!..
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию