НЕ ПАКРЫЎДЗІЦЕ ЗІМУ
Гульня прыроды, крыху радасці з’явіла,
Цудоўная зіма нам падарункі раздае,
Гурбы, сумёты – бялюткае снежнае дзіва,
Шчодры марозчык запал, задарма, дадае.
Але чамусці людзям недарэчы, непрыемна,
Стаміўся нехта снег лапатай разграбаць,
А іншым і мароз пашкодзіў, холад надаеў і дрэнна…
І толькі добрым, шчырым людзям радасць не суняць.
Вось уявіце: месяц снежань, студзень, люты,
Зусім без снега, холада, і без марозных сцюж,
А хмары шэрымі радамі цягнуцца марудна,
Сумота, нават з цёмных дахаў мокрая капёж.
Добрыя людзі! Вы, шчыра, падзякуйце зімку!
Сусвет трымаецца на ўдзячнасці і дабрыні,
Калі прыгажосць не набудзе падтрымку,
Знікне і лагоднасць жыцця на Зямлі.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
2 рецензий к 'НЕ ПАКРЫЎДЗІЦЕ ЗІМУ'
Елена Лобкович
11.01.2026 - 09:58“Сусвет трымаецца на ўдзячнасці і дабрыні”…
Сапраўды,Святлана,добра,правільна сказалі.
Аднойчы прачытала,што ўдзячны чалавек ні ў чым не будзе мець патрэбу!
Дзякуй Вам за верш і мудры напамін.)
Светлана Ковалёва
11.01.2026 - 12:52Мне вельмі прыемна, што Вам спадабалась. Дзякуй за шчырыя словы.