Едуць, едуць эмігранты…
***
З падслуханага ў мінскім трамваі
“Едуць, едуць эмігранты
Толькі грошы зарабляць.
Не паедуць акупанты
Танна нешта вырабляць,
Што маглі б мы іх краіне
Утрыдорага прадаць,
Каб у іх жа апельсіны
Ды бананы закупляць.
Едуць, едуць эмігранты.
Трэба ім жыллё здымаць,
Ды не хочуць нашы людзі
Танна кроўнае здаваць,
Бо засеруць эмігранты
Кухню, ванну і паркет,
Паплыве ад падмыванняў
Хрысціянскі туалет.
Папаўзуць ад эмігрантаў
І шпалеры, й прусакі,
Ім хоць сцы ты ў тыя вочы –
У прарэзы асакі.
Яшчэ й выгнаць немагчыма,
Трэба доказы суду.
З’едзе гэткі на радзіму,
Бо пляваць ім на бяду,
Што падаткі ты заплаціш
Па дамове за той найм
І ўсе грошыкі патраціш,
Колькі ты іх ні збірай.
Едуць, едуць эмігранты.
Памажы ж ты ім хутчэй,
Будзь як Дзед Мароз ці Санта –
Накармі і абагрэй!”
Я не супраць эмігрантаў,
Досыць гэтага ныцця!
Я за дзеянні гарантаў
Сацыяльнага жыцця.
22. 07. 2026 г.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию