Бацькоўскі дом
Бацькоўскі дом
Бацькоўскі дом – мая калыска.
Маленства і пяшчоты край.
Там кожны кут да сэрца блізкі.
Куды не паглядзі і што не ўзгадай.
Бацькоўскі дом – як многа ў гэтых словах:
дзяцінства, школьныя гады
і першае каханне ў марах,
і першыя расстання халады.
Бацькоўскі дом – ты маё месца сілы,
ты мая крэпасць, мой спакой.
Сюды я думкамі вяртаюся.
Адпачываю ўсей душой.
Бацькоўскі дом – усяго пачатак,
мая радзіма, мой выток.
Агеньчык сэрца негасімы.
Бацькоў каханых закуток.
Защищено Google CAPTCHA. Политика конфиденциальности и Условия использования. Copyright 2024, Стихи.Бай
Комментировать