Спявачка і паэт…
Зімоваю парой сустрэліся з табой
І ў сэрцах ружай, расквітнела лета,
Адкрыты позірк твой чысцюткаю вадой
Струменіўся прасторамі Сусвету.
І я забыць не змог, няхай даруе Бог.
Кахання смак і той чароўны вечар,
Маліўся ў начы над полымем свячы,
Чакаў і трызніў кожнаю сустрэчай.
Ты ж марамі жыла, спявачкаю была,
І музай закаханаму паэту.
Чароўны голас твой лунае над зямлёй,
Каханнем льецца з кожнага куплету.
Спявачка і паэт напоўнілі сюжэт
Шэдэўрамі мастацкага Парнасу,
Іх творчыя агні гараць у вышыні
І зберагаюць таямніцу часу…
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию