Рыбакi
На рыбалку рыбакi
Цэлы дзень збiралiся.
Клалi ў торбы паплаўкi.
Бульбай запасалiся.
Шкварку сала, селядзец,
Квашаны гурочак.
-Вось Алесь, ты маладзец,
Скаканi ў ларочак-.
Як зайшоў ён у ларок –
Вочы разбягаюцца.
Усе палiцы i палок
У вiне купаюцца.
Назапасiў вiна мех,
Рашыў пашанцавала,
Абышлося без памех
Бо жоначка не знала.
Гужавалi да цямна,
Тут ночку гулi – валi.
Рака побач тут цякла –
Па жыце снасць цягалi.
Адзiн чоўнам кiраваў,
А другi сеткi ставiў.
Ноччу жыта так стаптаў –
На полi ток аставiў.
Алесь пальцам круцiў лоб:
-Дзе ж ты ставiў меткi?
Ты па жыце човен гроб,
А я там ставiў сеткi.
Защищено Google CAPTCHA. Политика конфиденциальности и Условия использования. Copyright 2024, Стихи.Бай
Комментировать