Імглістае неба над садам і лесам…
***
Імглістае неба над садам і лесам,
Бяроза на ўзгорку, у квецені сад.
Шчыруе ў гародзе зямлі паэтэса,
Наводзіць на градах лірычны свой лад.
Шчабечуць, спяваюць і ціўкаюць птушкі,
І гушкае вецер асінавы гай.
Апошнія кветкі злятаюць з ігрушкі,
Апошнія дні дажывае мой май.
Імглістае неба. Дзве яблынькі побач
Ў ружовай і белай сукенках стаяць,
Нібыта прыйшлі паэтэсе на помач,
Ды толькі разгублена ў неба глядзяць.
24. 05. 2020 г.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию