Ператварыўшыся ў іжыцу

info@stihi.by

Дайсці да Мурамкі…
…Уткнуцца носам у луг
і удыхаючы
пякучы пах
травы…

…Перавярнуцца,
раскінуць рукі,
замерці і…

… Слухаць неба.
Зацьменне цішыні і жаўрук…
… Страказіны верталёт.
…І варушэнне траў скрозь рыпанне конікаў. …
І матылёк.

І матылёк, зацямніць на імгненне сонца у прыжмураным воку.

…Удыхнуць усё гэта і схамянуцца з курапаткай
і ў шлях.

…І зноў у шлях,
каб
ператварыўшыся у іжыцу.

Знікнуць.

…Назаўжды!