САЛДАЦКІ ВАЛЬС
У вольны прыгожы дзянёк,
Што зрэдку на службе бывае,
Прысядзе салдат у цянёк
І родны свой дом успамінае.
Салоўка высвіствае вальс,
У травах раса зіхаціцца…
Ды нават у гэтакі час
На варце заўсёды граніца.
За бліжняй дзяржаўнай мяжой,
Хаваецца вораг зласлівы.
Салдат зберагае спакой
Любімай прывольнай Радзімы.
А дома далёка яна
На зорку ў акне паглядае.
Дзяўчыне зусім не да сна –
Каханага зноў успамінае.
Напіша салдату пісьмо,
У канцы зробіць сэрцаў малюнкі.
Пакацяцца слёзы ў яго
Салодкія, як пацалункі.
Цудоўныя словы яе:
–Чакаю, сумую, кахаю…
У кожным бясхітрасным сне
Паціху салдат паўтарае.
На зорцы маўчыць гарадок,
Схаваўшыся ў пушчу лясную.
Ледзь ветрык даносіць здалёк
Дзявочую думку благую :
–Мой любы, належна служы!
Цябе я заўсёды чакаю.
Айчыну сваю беражы.
Кахаю, кахаю, кахаю…
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию