Светам нашым кіруе Любоў
Светам нашым кіруе Любоў.
Толькі ёй усё дазваляецца.
Чалавек чалавеку ўсміхаецца,
Бэз бялюткі цвіце за акном.
Дзень за днём…Так мінаюць гады.
Мне дачушка-пястушка ўсміхаецца.
-Глянь,матулька,чароўная раніца.
Сонца ўстала ў вянку залатым!
Абдыму,да грудзей прытулю,
Зазірну ў блакітныя вочкі.
Падміргне нават месячык зорцы,
Як лунае ў Сусвеце “Люблю”.
Уяўляю Любоў белай кветкаю.
Найчысцюткаю і міласэрнаю.
Для душы то сяброўка верная,
І для сэрца надта прыемная.
-Так,дачушка,Любоў-пачуццё,
Што ў ружы зямлю ўбірае
Ды надзеяй людзей акрыляе
Праз даўгое-даўгое жыццё.
Дзеля шчасця Любоў завіхаецца,
На зямлі Ёй усё дазваляецца.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
2 рецензий к 'Светам нашым кіруе Любоў'
алесь дворяков
29.10.2025 - 18:45Верш выдатна перадае светлую і чыстую любоў, якая напаўняе сэрца цеплынёй і надзеяй. Гэты твор натхняе верыць у дабрыню і сілу пачуццяў, што робяць жыццё прыгожым і шчаслівым. Рытм крыху збіваецца часам, але гэта нічога, гэта быццам матуля ад пачуццяў так кажа нібы ў вершы. Дзякуй за радкі!
Елена Лобкович
29.10.2025 - 22:02Вялікі дзякуй Вам,шаноўны Алесь.
Дзякуй за шчырыя радкі!