І гэтак будзе!
Калі улетку мак чырвоны
У жоўтым полі вырастае,
І зяблік песьні свае ў кроне
Нам так прывабліва сьпявае,
Калі на ўсёй прасторы ціха,
На небе хмаркі аніводнай –
Тады спаўна мы можам дыхаць
Жыцьця нябачным кіслародам,
Тады пагрозы ўсе зьнікаюць,
Тады сыходзяць ўсе турботы,
І промні сонца праганяюць
З душы гадзюку-адзіноту.
І гэтак будзе – трэба верыць!…
Калі у нашае аконца
Загляне цёплы летні вецер,
Мы пойдзем там, дзе ружаў квецень –
Нам шчасьцем усьміхнецца сонца.
14.03.2026
(вольны пераклад верша з нямецкае мовы,
аўтар: Ота Юліус Бірбаўм)
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию