info@stihi.by

ЗЯМЛЯ БЕЛАРУСКАЯ

Калыша вецер жыта каласкі,
У іх праменні сонечныя ззяюць,
І сінія, як неба, васількі
Світанка нараджэнне сустракаюць.

Скланілася над чыстаю вадой
Зялёная раскідзістая верба,
Лагодны зберагаючы спакой,
Як волаты, дубы трымаюць неба…

Гляджу на беларускую зямлю,
Ды Божы дар душою адчуваю.
Яе – матулю родную маю –
Паклонам нізкім раніцай вітаю.

І дзякую за кожны новы дзень,
За тое, што калісьці нарадзіла,
І за ласкавы сонечны прамень,
І за крыніцу, што вадой паіла…

У соснах па-над берагам рачным
Зноў удыхну паветра прахалоду,
І разам з гэтым подыхам лясным
Пачую трапяткую асалоду

Сваёй зямлі – і простай, і святой,
Якой жыву і аб якой малюся.
Сябе адчую часткаю малой,
Жывой часцінкай роднай Беларусі!

Похожие стихи:

  • Родная мова
    О мова казак и легендау,Ты апаясала душуІ сэрцы многім пакаленням,З табой зліліся воблак сум І гоман ветру ў кроне дрэваІ сум гаёў каля ракіКупала, Колас, Танк і ГлебкаТвае о мова...
  • *** (І адшумеў ужо мой сад…)
    І адшумеў ужо мой сад,Ды й кліча йзноў мяне радзіма,І веска з жменею тых хат,Ля плота ў чырвані рабіна… І поле, дзе ты маладым,Калісьці з дзедам статак пасціў,І лес –...
  • МЯТЛУШКА
    Застацца б мне – ціхмянай і лагоднай, Ні краскі, ні травінкі не парушыць. Быць проста часткай Матухны-Прыроды, Наіўнаю, маленькаю мятлушкай… У кожным крылцы – пыл сівых стагоддзяў – Не сівізна...
  • ПОЛАЦКАЙ КНЯЗЁЎНЕ РАГНЕДЗЕ, жонцы князя Уладзіміра
    …Быць пакорнаю, ды не скоранай, З гордым мужам — простай, ласкаваю… Дараваць віну, не трымаць дакор, Мець у сэрцы вышэйшую праўду… Спалена душа Красным Сонейкам, Не заззяць ужо ёй былой...
  • НАША МУЗЫКА
    I. Удзячная за музыку, прашу: не адымай надзеi на спатканне. Хай доужыцца i доужыцца чаканне — выпрабаваннем ацалю душУ. Таму пакуль — адлiгi цi адхлання — удзячная за музыку, прашу....

Оставить рецензию

Ваш адрес email не будет опубликован. Обязательные поля помечены *

Защищено Google CAPTCHA. Политика конфиденциальности и Условия использования. Copyright 2025, Стихи.Бай

Стихи.бай