Вараб’ёва хваліць толькі члены…
Ода
Вядомаму літаратурнаму крытыку
Людміле Анатольеўне Вараб’ёвай
Вараб’ёва хваліць толькі члены!
Не глядзіць на талент: ёсць, ці не.
Вершы членаў для яе – нятленны,
Ні адзін яна не праміне!
Выйшла й на расійскія прасторы,
Каб і там падзяку атрымаць.
Крытыкаў такіх там, знаю, мора,
На паэта, мусіць, штук па пяць.
Хутка, можа, выйдзе яна ў космас,
Ў Байкануры ж не дарма жыла!
Хай пачуюць зоры яе голас,
Бо нікому ж не жадае зла!
Ў Даўгаўпілсе шчыра працавала,
Дзе бібліятэкаркай была.
Але ж там паэтаў вельмі мала,
Толькі хлопцы нейкія з сяла…
Тут жа ў нас то Буніна пахваліць,
А то Цвейга майстрам назаве.
Нават мухі, кажуць, не уджаліць,
Мо таму так вольна і жыве.
Выдае яна таксама кнігі
Крытыкі салодкае, як сон.
Пазбягае ўсякае інтрыгі
Ля вытоку сваіх светлых дзён!
16. 08. 2025 г.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию