У ноч на Прачыстую сніўся вярблюд…
***
У ноч на Прачыстую сніўся вярблюд
У сонечна-жоўтай пустыні…
Прачнуўся, няма яго, чуецца тут,
Як брэша сабака на сіні
Туман, што ад Вязынкі ўецца, цячэ.
Адразу я ўспомніў матулю…
Як ладкі яна было ўранні пячэ,
А я іх ужо каравулю…
Пільную аладкі, сяджу за сталом,
Пытаюся ў мамы пра нешта.
Апошнія мама спячэ мне блінцом
З таго ж сыраквашнага цеста…
У ноч на Прачыстую часта не сплю…
Чаму мне вярблюд той прысніўся?
Матулю, як Боскую Маці, люблю,
Ніколькі яе не забыўся…
28. 08. 2026 г.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию