У чаканні вясны
Бягу на працу ранкам. Мінус дваццаць.
Пад белым снегам дрэвы бачаць сны
І ціхенька спрабуюць усміхацца
У чаканні надыходзячай вясны.
Па-рознаму вясну чакае кожны.
Вось на кусце чародка вераб’ёў,
Шчабечуць так, што ўжо падумаць можна,
Прыйшла вясна з журчаннем ручаёў.
Маўчаць каты чамусьці ў гэтым годзе,
Мой спіць у хаце на палавіку,
На месца стала ўсё цяпер у прыродзе —
Канцэрт пачнецца ў сакавіку.
Яшчэ мароз лютуе на падворку,
Ляжыць зіма бялёсаю кудзеляй,
Ды крыламі вясны накрыюць узгоркі
Грамніцы, што чакаем у нядзелю.
Спрадвеку так задумана ў свеце:
Душа вясну чакаць ужо пачала
І ад чакання радасці, урэшце,
Нам больш, чым ад сапраўднага цяпла.
12.02.2026
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию