Смак роднай мовы…
Жыць беларусам, а не звацца
Ад нараджэння і да скону,
Пры тым свядома вызваляцца
Ад іншамоўнага палону.
Ісці без гвалту і без болю
Да адраджэння роднай мовы,
Не пасыпаць нарываў соллю,
А ўскладаць святыя словы.
Да роднай мовы праз свядомасць
Услед за нами прыдуць дзеці,
Як спадкаемцы на каштоўнасць,
Найдаражэйшую ў свеце.
Каб голас наш пад вольным небам
Гучаў прыгожа і сардэчна,
Няхай Гасподзь надзённым хлебам
Смак роднай мовы дасць навечна.
Набыткам памяці народнай
Тады паўстануць нашы словы,
Напорам рэчкі паўнаводнай
У крышталі радзімай мовы!..
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию