Шкаляры
Ізноў за партай шкаляры.
Чакаюць цацкі да пары,
І змоўкла вуліцы гульня,
У школу ўсім хадзіць штодня.
Хоць сумна з летам развітацца,
Але знайшлося, чым заняцца.
У сшытках, кніжках іх чакаюць
Сябры, што веды адкрываюць.
Знайсці чароўны ключ няпроста,
А кніжка радуецца госцю.
Дабразычлівыя старонкі
Адкрыюць ведаў вам скарбонку.
Старанна трэба пашукаць –
І знойдзеш, што цікава ўзяць
З сабою ў доўгае жыццё,
Адкрыццяў вабіць пачуццё!
Защищено Google CAPTCHA. Политика конфиденциальности и Условия использования. Copyright 2024, Стихи.Бай
Комментировать