Пра сённяшні дзень

info@stihi.by

Мне раніцай з экрана тэлефона
Зычліва распавёў манах будыйскі:
Для шчасця зразумець нам дастаткова,
Што сённяшні дзянёк нам самы блізкі.

Учора прамільгнула, як маланка,
І шкадаваць аб ім — пустая справа,
Бяссэнсава-праскочаная планка.
На будучыню ў нас няма ўправы.

Ні ў былым, ні ў будучыні нашай
Не можам атрымаць мы асалоду
І прыгубіць ад шчасця поўнай чашы.
Як добра растлумачыў для народу!

Не здольны штосьці мы змяніць у мінулым,
І будычыня шэрая, як цень.
Прашу я, разагнаўшы свае думы:
«Дай, Божа, сёння мне шчаслівы дзень!»
02.12.2025