ПАДАЕ СНЕГ
Глядзі! З неба падае снег!
Ён кружыць і сэрца хвалюе,
Чароўны малы чалавек
Сняжынкі губамі спрабуе!
«На носе» зусім Новы Год,
Прыгоды, святло, падарункі.
Ізноў пачынае народ
Святочныя вельмі стасункі…
І цудаў чакаюць усе,
І мараць аб шчасці бязмежным,
І горад у дзіўнай красе,
І дрэвы ў сукеначках снежных!
Для свята няма перашкод,
І межы яго не стрымаюць!
Цудоўных, вясёлых прыгод
На цэлай планеце чакаюць!
Устанем усе ў карагод,
Пад елкай святочнай закружым…
Хай будзе для ўсіх Новы Год
Спакойным, шчаслівым і дружным!
Защищено Google CAPTCHA. Политика конфиденциальности и Условия использования. Copyright 2024, Стихи.Бай
Комментировать