Мастак малюе…
Мастак на простым палатне
Малюе поўную пяшчоты,
Сярод апалае лістоты,
Дзяўчыны постаць, нібы ў сне.
Вальсуе з ветрыкам яна
З таемнай усмешкай Моны Лізы.
Глядзіць з-пад вэлюму з капрызу…
Ці то рэальнасць, ці мана.
Яна аблашчана святлом,
І мяккі погляд поўны стомы,
І першай жарсці яркі момант…
Было учора, ці даўно.
Упрыгожыла сама Любоў
Неверагодную карціну,
Над безданню жыцця руціны
Узвышаючыся зноў і зноў.
Защищено Google CAPTCHA. Политика конфиденциальности и Условия использования. Copyright 2023, Стихи.Бай
Комментировать