Калісьці на дачы у вечар ліпнёвы…
***
Калісьці на дачы у вечар ліпнёвы
Садзіліся з мамай вячэраць.
Гарачая бульба, і маміны словы,
І маміны вочы, што вераць…
Што вераць у сына, ў ягонае шчасце
І вечару летняму вераць.
– Табе, можа, мама, салату пакласці?
Садзіліся з мамай вячэраць…
Пасля ўжо матуля акно запінала,
Прасіла вады ёй прынесці…
А потым матулі на свеце не стала.
Саджуся адзін зараз есці…
Калісьці на дачы у ліпеньскі вечар
Садзіліся з мамай вячэраць…
І сёння той вечар здаецца мне нечым,
У што толькі й хочацца верыць…
06. 07. 2023 г.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию