Гімн лету…
Птушкай дзень праляцеў у турботах і справах,
Сонца з неба сышло залацістай купавай.
Дагарае закат, небасхіл вечарэе,
Знічка ў небе ляціць зачарованай феяй.
Маладзік уначы зазірае ў вокны,
Дзе пад водбліск свячы сон блукае чароўны.
Ноч, як пава, плыве, ціхім крокам ступае
Басанож па траве, і расой выпадае.
Распасцёрся туман белай коўдрай у ранні.
Пеўні хорам пяюць сонцу гімн на світанні.
Птушкай дзень узляцеў, сонца ззяе яскрава,
І чароўны напеў напаўняе дубравы.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию