Дзяды…
На свята восеньскіх Дзядоў
Прыходзяць прашчуры да нас,
Праз подых зімніх халадоў,
У пэўны дзень, у пэўны час.
Яны Анёлы з небыцця,
Нябёснай славы ваяры,
Вытокі нашага жыцця
І памяць даўнішняй пары.
Іх сустракае кожны дом
Святлом у покуці святым.
Дзе ў святліцы за сталом,
Сярод нашчадкаў месца ім.
Яны заўжды нас чуюць там…
Малітвай шчыраю святой.
Кранае памяць сэрцы нам,
Да іх мы горнемся душой.
Дзядоў і прадзедаў закон
Стаў абярэгам назаўжды.
Жыцця і мы спазнаем скон,
І нас паклічуць на Дзяды…
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию