Дзеўкі ногі ў Іпуці не мылі…

info@stihi.by

Дзеўкі ногі ў Іпуці не мылі…

Your page rank:

***
Мылі дзеўкі ў Іпуці ногі.
Міхась Башлакоў

Дзеўкі ногі ў Іпуці не мылі,
І ні дня ў Саюзе не сядзеў.
Пра мяне ў сяле не гаварылі,
Што жукоў на бульбе праглядзеў.

З вершамі у зону я не ездзіў,
Мо таму “героем” і не стаў.
У дзяржавы не прасіў я есці,
Яе ласкі кроплі не спазнаў.

І не выдаў ні адной я кнігі
За дзяржаўны (ўсенародны) кошт.
Супраць лепшых я не вёў інтрыгі
І ў чужы не лез – ніколі! – кош.

Не пісаў узнёсла пра дзяржаву
І народ ні ў чым я не вініў.
На сумленне выменяў я славу
І пісаў пра тое, як я жыў.

Дзеўкі ногі ў Іпуці не мылі.
Я таксама ногі ім не мыў.
Многія пра многае забылі,
Толькі я нічога не забыў.

14. 07. 2025 г.