Беларускія жанчыны…

info@stihi.by

Год Жанчыны ў Беларусі!
———————————-
Я бязмерна ганаруся
Светлым сімвалам краіны –
Беларускаю жанчынай.

Беларускія жанчыны
Нібы ружы ці вяргіні,
Іх усмешкі ласкай свецяць,
Найярчэйшыя ў Сусвеце.

Беларускія жанчыны –
Прыгажосці берагіні.
Голас нібы звон крынічкі,
Вусны спеласцю сунічкі.

Беларускія жанчыны –
Мроя кожнага мужчыны.
Погдяд чысты і бяздонны
Беларускае мадонны.

Беларускія жанчыны –
Працаўніцы, гаспадыні,
Абярэг сямейнай долі,
Што на кухні, што ў полі.

Беларускія жанчыны –
Гонар нашае Айчыны.
Ёсць міністры, дэпутаты,
Маем нават касманаўта.

Ды галоўным застаецца
Тое, што з нябёс даецца:
Зведаць радасць Мацярынства,
Абярэгам быць дзяцінству
Ад жыццёвае напасці,
Жыць у радасці і шчасці!