Беларусь…
Беларусь – ты мой лёс і мой спеў паднябёсны,
Спеў, што льецца пад звон веснавых раўчукоў.
Край зялёных дубраў і бярозак бялёсых,
Валуноў даўніны з застарэлых вякоў…
Па табе я заўсёды сумую бясконца,
Адусюль ты прымаеш такога мяне.
Ты святло з вышыні, ты цяпло майго сонца,
Падарожны маяк у святой старане.
Беларусь, я табою навек акрылённы,
Я з Радзімай, як здарыцца быць у бядзе.
Прычашчуся табою – ты хлеб мой надзённы.
Страх і сорам за грэх на калені падзе.
Да цябе, як да маці, імкнуся душою.
Шлях сусвету заўжды ў родны кут прывядзе.
Ты мяне, як дзіця, закрываеш сабою,
Не пакінеш мяне і на Божым судзе!
Беларусь – ты мой лёсі мой спеў паднябёсны,
Спеў, што льецца пад звон веснавых раўчукоў.
Край зялёных дубраў і бярозак бялёсых,
Валуноў даўніны з застарэлых вякоў…
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию