Барада патрэбна вам ці вусы…
***
Нам не патрэбны ні Літва, ні прусы,
І Польшча з агалтелаю хлуснёй…
Таццяна Яцук, член Саюза пісьменнікаў Беларусі,
выдала дзесяць зборнікаў паэзіі
Барада патрэбна вам ці вусы,
Можа, й наматалі б што на вус.
Перастаньце гаўкаць, беларусы,
Хоць і я таксама – беларус.
І Літва патрэбна нам, і Польшча,
Не патрэбны ў хаце – прусакі.
Разумнейшых слухайце, не большых,
Не дурныя нават павукі.
Сапраўды, прусы нам не патрэбны,
А суседзяў трэба паважаць.
Напісалі б лепей верш хвалебны,
Ці ішлі б вы, можа, жыта жаць.
Наш народ даўно не верыць хлусу.
Запавольце й вы таксама крок.
Мір з усімі трэба беларусу.
Не спускайце ўзведзены курок!
27. 06. 2026 г.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию