Апошні званок
Апошні званок, празвініш і пакінеш
У сэрцы маркоту, пяшчоту і сум.
Аб чым прапяеш? Развітанне з усімі,
Апошні ўрок і сыходзячы тлум.
На новых шляхах нам наказ ад дарослых,
Благаславенне і добры пасыл,
Слёзы і шэраг пачуццяў узнёслых,
І развітальны ўдзячны парыў.
Дзякуй табе, наша родная школа,
За намаганні, цярпенне, любоў,
За дабрыню і пяшчотныя словы,
І за фундамент жыццёвых высноў.
Вочы настаўнікаў, іх пажаданні
Мы панясём у дарогу з сабой,
Дзякуем вам і з сваім развітаннем
Частку душы і сябе аддаём.
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию