Адзіны лёс…
Мая краіна Беларусь,
Наш родны край дабразычлівы!
І помніць кожны беларус
Бацькоўскі кут, так сэрцу мілы.
Адна краіна і на ўсіх,
Адна ў нас Радзіма – маці.
Маліце людзі ўсіх Святых
За мірны плён у нашай хаце.
Краіну, Божа, зберажы,
Хай узрастае хлебны колас.
Вярні нашчадкаў з – за мяжы
І беларускай мовы голас.
Народ наш – добры працаўнік,
Нястомны, шчыры, беражлівы.
Жыць бестурботна не прывык,
У працы дбайны і руплівы.
Народ адзін, адзіны лёс
А волю з праўдай у Айчыне
Час на штандарт жыцця ўзнёс
Як найвялікшыя святыні…
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию