Ахвярам лагераў цывільных…
Шмат месц пакінула вайна,
Дзе сёння сум і цішыня,
Дзе час застыў калючым дротам,
Дзе боль сышоў крывавым потам.
Дзе зброяй, гвалтам, праз падман
Краіны нашай грамадзян,
Зганялі з роднай стараны
Працоўная сілай для вайны.
Пад голым небам перасыльных,
Часовых лагераў цывільных,
Людзей у рабства, нібы скот,
Кідалі за калючы плот.
Не ўсе стрывалі ў палоне,
Дзе ў перапоўненым вагоне.
У рабства везлі, у выгнанне,
Дзе лёс спазнаў выпрабаванні…
Шмат працярпелі ў той вайне,
І сёння бачыць хтосці ў сне
Пакуты, здзекі той пары,
Аж боль сціскае ў нутры.
І ўспаміны ціснуць хмарай,
Таму жывём адзінай марай:
Не дай Гасподзь у нас вайны,
А дай спагаду цішыні…
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию