Адэпты роднае зямлі…
Паэтам маеш нарадзіцца,
А чалавекам трэба стаць.
Бруіць паэзіі крыніца,
Нябёс святая благадаць.
Паэты блізкія па духу,
Адэпты роднае зямлі,
Падчас духоўнае разрухі
Праз годнасць – творчасць бераглі.
Душою дзеляцца паэты
Праз вершаваныя радкі,
Плывуць паэмы і санеты
Цячэннем творчае ракі.
Паэт закладнік творчай музы,
Паплечнік, сябар, візаві,
Ахвяра творчае спакусы,
Мастацкі плод яе любві.
Ствараюць шлягеры паэты
Аб тым, што муза напяе,
Скрозь вершаваныя куплеты
Чароўны вобраз паўстае.
Паэты паміраюць двойчы:
Як чалавек і як паэт.
Неўміручасць ім прарочыць,
Духоўнай творчасці Cусвет…
Защищено Google CAPTCHA. Политика конфиденциальности и Условия использования. Copyright 2025, Стихи.Бай
Оставить рецензию